مازلت عذراء! لأن الرجال الجيِّدين موجودين فقط في الروايات
مأساتى إنى لسه متجوزتش أنا عندى 33 سنة ولسه متجوزتش تاني
الحمد لله بشهادة الناس اللى حواليا انى جميله ومحترمه ومؤهل جامعى لكن مسألة الجواز عندى متعسره جدااا جدااا بيجى معايا بالعكس يعنى الى اشوفه واعجبه هو ميعجبنيش والعكس
والفتره الى فاتت قابلت اكتر من عريس محصليش قبول ولا ارتياح
من كام يوم قابلت عريس مواصفاته كويسه جدا واهلى موافقين بيه وقاعدين يضغطوا عليا انى اوافق بس انا محصليش برضه قبول ولا ارتياح لانه اقصر منى ولبسه مكنش مرتب واستايله قديم جدا وحسيت انى مش مرتاحه
البيت عندى بيضغطوا عليا انى اقابله تانى واوافق عليه لكن انا مش حاسه بقبول على الرغم ان مواصافاته حلوه شغله ومؤهله لكن شكله معجبنيش وطبعا كل الى حواليا متجوزين سواء اقاربنا او جيرانا والكل عمال ينتقدنى انى لسه متجوزتش مع انه نصيب ومش بايدى
والبيت بيضغطوا عليا عشان اوافق عليه خايفه اوافق واندم وخصوصا ان شكله معجبنيش وطريقة لبسه غريبه وقصير عنى
انا دايما ادعى ربنا ومش بتبطر والله ده عشان مظلموش ولا اظلم نفسى هو موافق عليا ومستنى ردى وانا ضغط عليا من كل ناحيه ونفسى افرح بجد بس حاجه تبهرنى وتفرحنى لانى اتكسرت كتير وعانيت كتير اوى
إرسال تعليق
EmoticonClick to see the code!
To insert emoticon you must added at least one space before the code.